У Менску актывізаваліся «вентылятаршчыкі»

• 5.08.2024, 19:04

У ЖКГ заклікалі беларусаў папярэдзіць састарэлых сваякоў.

Апошнім часам у сталіцы актывізаваліся ашуканцы, якія ўгаворваюць жыхароў сталіцы за вялікія грошы ўкласці дамовы на выкананне работ па прачыстцы вентыляцыі ў кватэрах. Пра гэта паведамілі ў Менскай гарадской жыллёвай гаспадарцы.

У ведамстве нагадалі, што перыядычныя праверкі і прачысткі вентыляцыйных каналаў у шматпавярховіках праводзяць арганізацыі, якія надаюць спажыўцам жыллёва-камунальныя паслугі.

«Праверка і прачыстка вентыляцыйных каналаў праводзяцца на падставе гадавых графікаў, а кошт такіх работ уключаны ў тарыф паслугі па тэхнічным абслугоўванні жылога дома», - адзначылі ў ЖКГ Менска.

«Будзьце пільнымі, прачытайце і перадайце гэтае паведамленне сябрам і блізкім вам людзям, асабліва паджылым бацькам», — заклікалі ў ЖКГ Менска.