У Нігерыі затрымалі лідара пратэстаў па прозвішчы Ленін

• 5.08.2024, 19:31

Пратэсты ў Нігерыі ўспыхнулі 1 жніўня.

Улады Нігерыі затрымалі аднаго з лідараў антыўрадавых пратэстаў, якога клічуць Майкл Ленін, паведамляе нігерыйская газета The Guardian Nigeria.

«Сілавікі затрымалі аднаго з лідараў пратэстаў - Майкла Леніна. Ён з'яўляецца нацыянальным каардынатарам кампаніі за правы моладзі Нігерыі», - гаворыцца ў публікацыі.

Паводле звестак газеты, Ленін быў затрыманы ў ноч з 4 на 5 жніўня 2024 года ў сябе дома. Даміларэ Адэнол, лідар групы «Забяры свае словы назад» (Take It Back), які арганізуе пратэсты ў сталіцы краіны Абуджы заявіў, што пры затрыманні ён зазнаў катаванні. Адэнол заявіў аб патрабаванні неадкладна і безумоўна адпусціць Леніна.

Вядома, што мужчына выступіў на скліканай ім прэс-канферэнцыі і раскрытыкаваў зварот да нацыі прэзідэнта Нігерыі Болы Цінубу, які заклікаў спыніць масавыя пратэсты. Акрамя таго, Ленін заклікаў грамадзян выходзіць на вуліцы, «пакуль патрабаванні не будуць выкананы».

З 1 жніўня 2024 года ў Нігерыі працягваюцца хваляванні, пратэстоўцы патрабуюць ад уладаў распачаць рашучыя захады ў сувязі з надыходзячым голадам, паскарэннем інфляцыяй і падаражэннем харчавання.