УСУ адбілі штурм акупантаў на Курахаўскім кірунку

• 5.08.2024, 19:49

Знішчаныя танк і тры бронемашыны.

Байцы 79-й асобнай дэсантна-штурмавой брыгады адбілі атаку акупантаў у раёне Параскаеўкі і Канстанцінаўкі на Курахаўскім кірунку фронту.

Пра гэта інфармуе старонка 79-й АДШБр.

На гэтых кадрах - адбіццё чарговага штурму расейцаў на пазіцыі 79-кі і 471 асобнага пяхотнага батальёна. Страты ворага - 1 танк і тры бронемашыны.

За ацалелай расейскай пяхотай абвясцілі «сафары» ўкраінскія пілоты дронаў са скідамі. Як вынік - 8 акупантаў загінулі, яшчэ столькі ж атрымалі раненні.