Менск рызыкуе пайсці пад ваду

• 6.08.2024, 17:23

Горад накрыла магутная залева.

На Менск 6 жніўня абрынуўся магутны лівень, некаторыя раёны горада былі затопленыя. Жыхары сталіцы дзеляцца ў TikTok відэа з месца падзеяў, адзначае «Зеркало».

Так, адзін з карыстальнікаў зняў момант, калі лівень толькі пачаўся, і адразу даў свой прагноз: «Гэты лівень дакладна затопіць усю Беларусь. Менск дык дакладна». Ён назваў сваё відэа «Глабальны патоп Менска».

Яшчэ адзін відавочца непагадзі паказаў кадры з аўтамабіля: уся дарога пайшла пад ваду.

Патоп назіраецца і ля станцыі метро Маладзёжная, а таксама ў раёне Лагойскага тракту.

Нагадаем, што на 6 жніўня сіноптыкі абвясцілі аранжавы ўзровень небяспекі праз навальніцы з поўдня да шасці гадзін вечара. Месцамі пры навальніцах метэаролагі прагназавалі моцныя залевы і шквалістае ўзмацненне ветру парывамі 15-20 м/с. У Менску таксама папярэджвалі аб моцных залевах. Паводле звестак сіноптыкаў, неспрыяльныя з'явы захаваюцца да канца дня.

Навальніцы чакаюцца ў Беларусі і ў сераду, 7 жніўня.