Зяленскі: За ліпень Украіна выкарыстоўвала больш дронаў, чым РФ

• 6.08.2024, 20:11

Паводле ягоных словаў, гэта павінна стаць устойлівай тэндэнцыяй.

Цягам мінулага месяца Украіна выкарыстоўвала больш беспілотнікаў, чым Расейская Федэрацыя. Гэта павінна стаць устойлівай тэндэнцыяй.

Пра гэта паведамляе Charter97.org са спасылкай на заяву ўкраінскага прэзідэнта Украіны Уладзіміра Зяленскага.

«За ліпень нашыя ваяры ўжылі больш дронаў, чым акупант. Гэта павінна быць устойлівай тэндэнцыяй на фронце – па ўсіх відах дронаў, якія ёсць у нашых падраздзяленняў», – растлумачыў прэзідэнт Украіны.

Ён адзначыў, што такая тэндэнцыя павінна распаўсюджвацца на ўсю зброю. Ад FPV да ўкраінскіх дальнабойных дронаў, якія, паводле словаў Зяленскага, ужо ўплываюць на вайну стратэгічна.

Нагадаем, што паводле звестак Forbes, Украіна ў ліпені запусціла больш ударных дронаў, чым Расейская Федэрацыя.

За мінулы месяц Расея запусціла па тэрыторыі Украіны 426 беспілотнікаў тыпу «Шахед», а Украіне выкарыстоўвала больш за 500.