Магутныя выбухі ў Крыме: «Нептуны» стукнулі па авіябазе «Бельбек»

• 9.08.2024, 7:50

Акупанты заявілі аб масаваным нападзе.

Уночы 9 жніўня ў часова акупаваным Крыме прагрымелі выбухі ў Сакскім і Чарнаморскім раёне. Пра гэта паведамілі маніторынгавыя крымскія Telegram-каналы і прадстаўнік акупацыйнай "адміністрацыі" Севастопаля Міхаіл Разважаеў.

Адзначаецца, што ў прапагандысцкіх медыя пісалі аб пагрозе ўдараў з ужываннем беспілотнікаў па тэрыторыі захопленага войскамі РФ украінскага Крыма яшчэ каля 00:40.

Пазней акупацыйнай «адміністрацыяй» было абвешчана аб паветранай трывозе ў Крыме - спачатку з-за дронаў, і пасля і з-за ракетнай пагрозы.

Таксама з'явіліся паведамленні аб рабоце СПА расейскіх захопнікаў.

Як пісаў Telegram-канал «ЧП/Сакі», у Сакскім раёне былі чутныя выбухі, нібыта быў збіты БПЛА над морам.

Пазней так званы губернатар Севастопаля Міхаіл Разваджаеў заявіў аб «адбіцці нападу УСУ» расейскімі акупантамі. Таксама «чыноўнік» распавёў пра нібыта ракетны ўдар і працу СПА.

«Паводле папярэдняй інфармацыі, ужо збітая адна супрацькарабельная ракета «Нептун» над акваторыяй на значным выдаленні ад берага», - напісаў Разважаеў.

Ён таксама дадаў, што захоўвалася небяспека дронавага нападу. Але пазней, каля 1.50, заявіў аб адбоі паветранай трывогі.

У той жа час Telegram-канал "Крымскі вецер" паведаміў, што ў Чарнаморскім была чутная страляніна, і адзін "моцны выбух".

Пасля медыя паведаміла, што ў Чарнаморскім прагрымеў яшчэ выбух, і мясцовыя жыхары распавялі, што "некуды трапілі, калі быў першы выбух".

А потым "Крымскі вецер" праінфармаваў, што выбухі з боку Чарнаморскага прагучалі і ў вёсцы Краснасельскае.

А 02.53 падпісчык "Крымскага ветру" паведаміў аб моцным выбуху ў раёне Піянерскага пад Сімферопалем.