«Беларуская выведка»: Лукашэнка дамаўляецца з Пуціным аб адпраўцы беларускіх вайскоўцаў у Курскую вобласць

• 9.08.2024, 9:59

Перамовы ідуць з ініцыятывы Менска.

Крыніцы тэлеграм-канала "Беларуская выведка" паведамляюць аб перамовах Лукашэнкі і Пуціна аб магчымай адпраўцы часцей СПА і ССА Мінабароны Беларусі ў Курскую вобласць. Перакідванне частак абмяркоўваецца ў сувязі з "саюзніцкімі абавязаннямі". Таксама абмяркоўваецца механізм абароны ў межах АДКБ.

Крыніцы ўдакладняюць, што Лукашэнка з'яўляецца ініцыятарам "кансультацый", бо спрабуе быць карысным у "цяжкую хвіліну" ў сувязі з прасоўваннем УСУ ў Курскай вобласці і адначасова на фоне абвастрэння беларуска-расейскіх супярэчнасцяў, звязаных з абмежаваннямі Масквы на партовыя паслугі і транзіт па РФ і абмежаванні на пастаўкі сырой нафты ў Беларусь.

Супярэчнасці ўзніклі пасля адвядзення войскаў ад украінскай мяжы і ўвядзення бязвізу для грамадзян ЕЗ, за што Крэмль абмежаваў аб'ём паставак нафты запатрабаваў папярэднюю аплату і ўвёў "цяжкасці" для перамяшчэння беларускіх тавараў па сваёй тэрыторыі.