СБУ падбіла дронам яшчэ адзін расейскі гелікаптэр у Курскай вобласці

• 9.08.2024, 12:08

Другі за тры дні.

Вайскоўцы Цэнтра спецыяльных аперацый А Службы бяспекі Украіны знішчылі FPV-дронам другі расейскі гелікаптэр у Курскай вобласці РФ за тры дні. Пра гэта паведамілі крыніцы NV у СБУ ў пятніцу, 9 жніўня.

На апублікаваным у Сеціве відэа зафіксавана, як беспілотнік знішчае хваставую частку гелікаптэра.

Блогер і валанцёр Сяргей Сцярненка напісаў у Telegram, што знішчаны гелікаптэр Мі-8. Далейшы лёс борта невядомы, але ён перастаў працаваць ва ўказаным раёне, адзначыў Сцярненка.

Адзначым, гэта другі расейскі гелікаптэр за тры дні, падбіты ўкраінскім дронам.