У Маскве сілавікі затрымалі пракрамлёўскага прапагандыста

• 9.08.2024, 15:21

Іронія сітуацыі ў тым, што ён іх выклікаў сам.

У Маскве расейскія сілавікі затрымалі пракрамлёўскага прапагандыста Аляксандра Семчанку, які ўцёк з Украіны, піша New Voice.

Пра гэта сведчаць апублікаваныя ў сацсетках відэа з месца падзей.

Пры гэтым іронія ў тым, што сілавікоў, якія яго затрымалі, Семчанка выклікаў сам.

«На просьбу падпісчыка надумаў на свае вочы пераканацца, як мясцовая паліцыя не рэагуе на скаргі прадпрымальніка, з якога патрабуюць грошы… Супрацоўнікі, якія прыехалі замест таго, каб пачаць расследаванне, затрымалі Аляксандра, сваімі дзеяннямі пакрываючы вымагальнікаў», — заявіў у сябе ў сацсетках адзін з ягоных паплечнікаў Дзмітрый Васілец.

Як бачна на апублікаваных кадрах, спачатку здраднік спрабаваў не баяцца і дэманстраваў напускны спакой, аднак, калі сілавікі пасадзілі яго ў аўто, запанікаваў, і пачаў гучна віскатаць, сцвярджаючы, што яго хочуць «застрэліць».

«Прыбяры аўтамат! Прыбяры аўтамат! Не страляй! Не страляй! Не страляй! Не страляй!», - усё ніяк не сунімаўся прапагандыст на вачах у здзіўленых мінакоў.