Украінскія вайскоўцы запісалі зварот з Суджы

• 9.08.2024, 19:48

Яго знялі каля філіяла «Газпрама».

Украінскія ваяры запісалі відэа з расейскага горада Суджа Курскай вобласці. Ролік распаўсюдзілі ў сеціве, заўважыў «Уніян».

Байцы 99-га механізаванага батальёна 61-й асобнай стэпавай брыгады Узброеных сілаў Украіны знаходзяцца ля будынка філіяла расейскага «Газпрама».

«Горад кантралюецца Узброенымі сіламі Украіны. У горадзе спакой, усе дамы цэлыя. Стратэгічны аб'ект “Газпрама” ў горадзе Суджа кантралюецца байцамі 99-га механізаванага батальёну 61-й асобнай стэпавай брыгады», – заявіў адзін з вайскоўцаў.