ЗША абвясцілі новы пакет дапамогі Украіне на $ 125 мільёнаў

• 9.08.2024, 21:25

Стала вядома, што ў яго ўвайшло.

Злучаныя Штаты Амерыкі ў пятніцу, 9 жніўня, абвясцілі новы пакет ваеннай дапамогі для Украіны на 125 млн даляраў. Пра гэта паведамляе РБК-Украіна са спасылкай на прэс-службу Міністэрства абароны ЗША.

«Гэты пакет, арыентавальны кошт якога складае 125 мільёнаў даляраў, надасць Украіне дадатковыя магчымасці для выканання яе надзённых запатрабаванняў, у тым ліку: сродкі супрацьпаветранай абароны; шматфункцыянальныя РЛС для выяўлення і супрацьдзеяння артылерыі ворага і супрацьтанкавая зброя», – адзначылі ў Пентагоне.

У новы пакет увайшлі:

– ракеты Stinger;

– боепрыпасы для HIMARS;

– артылерыйскія боепрыпасы калібру 155 мм і 105 мм;

– шматфункцыянальныя радары;

– супрацьтанкавыя ракеты TOW;

– супрацьтанкавыя сістэмы Javelin і AT-4;

– неназваная колькасць браняваных машынаў HMMWV;

– боепрыпасы да стралковай зброі;

– выбуховае абсталяванне і боепрыпасы;

– абсталяванне для абароны крытычнай інфраструктуры;

– запчасткі і дапаможнае абсталяванне.