У Беларусі ўбіраецца ў сілу інфляцыя

• 10.09.2024, 19:01

На што больш прыкметна падскочылі цэны за апошні год.

Гадавая інфляцыя ў Беларусі разагналася да 6,1% (месяцам раней яна была на ўзроўні 5,5%). «Зеркало» расказвае, што за апошні год падаражэла больш за ўсё.

Некаторыя прадукты сур'ёзна выраслі ў кошце

Больш за ўсё за год (у жніўні 2024-га ў параўнанні з аналагічным месяцам 2023-га) выраслі ў кошце памідоры — больш чым удвая: у мінулым месяцы яны каштавалі прыблізна 1,7 рубля, а год таму — 3,46 рубля. На другім месцы аліўкавы алей: рост з 34,76 рубля за літр да 62,79 (прыбаўка больш чым 80%).

Агуркі ў параўнанні са жніўнем мінулага года падаражэлі амаль на 44% і агулам іх сталі прадаваць па цане 3,51 рубля. На 39% вырасла ў кошце белакачанная капуста.

Нягледзячы на стрымліванне коштаў, яблыкі падаражэлі на 17,5%. На траціну кошту даражэйшым стаў рыс, на чвэрць - бульба.

У той самы час ёсць прадукты, якія за год сталі больш даступнымі. Сярод іх грушы, якія патаннелі на 20%. Грэчка патаннела на 17,7%. На 13% знізіліся ў кошце рыбныя кансэрвы.

Што з коштамі лекаў

У жніўні да таго ж месяцу мінулага года на 31,6% падаражэлі сэрцава-судзінныя прэпараты. Агулам на 17% выраслі ў кошце сродкі для лячэння дыхальнай сістэмы.

Прыкладна на 15% сталі даражэйшымі проціпухлінныя і імунамадулюючыя сродкі, а таксама прэпараты для лячэння нервовай сістэмы.

З медыцынскіх вырабаў, якія ёсць у статыстыцы Белстата, патаннеў толькі шпрыц — на 2,7%.

Прыкметна падаражэлі іншыя запатрабаваныя тавары

Калі паглядзець статыстыку коштаў нехарчовых тавараў, то больш за ўсё падскочылі кошты дроў - з 8,42 рубля за кубаметр да 18,68 рубля.

Цацкі падаражэлі прыблізна на 22%, дзіцячыя вазкі - на 19%.

Разам з тым на 4% патаннеў агулам шампунь, а бальзамы для валасоў амаль на 5,6%.

За гэты ж час легкавыя аўтамабілі патаннелі на 21,8%. А вось матацыклы і скутары выраслі ў кошце на 29%.