У Воршы дзеці вылавілі ў рацэ скрыню са старажытным абразам

• 11.09.2024, 12:31

Магчыма, яна прыплыла з Украіны.

Скрыню са старажытным абразам Успення Прасвятой Багародзіцы дасталі з вады падлеткі падчас рыбалкі ў Воршы, паведамілі ў прэс-службе Віцебскай епархіі.

15 чэрвеня школьнікі рыбачылі на рацэ Адроў. Дзеці зачапілі кручком невялікую скрыню. Яны дасталі яе з вады і выявілі. Унутры скрынкі знаходзілася ікона. Пра гэта падлеткі расказалі бабулі, якая прынесла здабыты абраз у Свята-Успенскі жаночы манастыр.

«Адкуль прыплыў абраз, невядома. Але на адваротным баку ёсць падказка, надпіс на ўкраінскай мове «Дазволена цэнзурай. Кіеў, 15 чэрвеня 1911 года». Ёсць на малюнку і імя Яфіма Фясенкі з Адэсы, аднаго з найбуйнейшых выдаўцоў народнай праваслаўнай друкаванай прадукцыі XIX-XX стагоддзяў», - паведамілі ў епархіі.

Пасля блаславення арцыбіскупа Віцебскага і Аршанскага Дзімітрыя ікону адрэстаўравалі і зараз яна знаходзіцца ў Ільінскім храме Свята-Успенскага манастыра і даступна для пакланення вернікам.