Знойдзены расейскі карабель, які перавозіць іранскія балістычныя ракеты

• 11.09.2024, 17:32

Спадарожнікавыя здымкі.

Спадарожнікавыя здымкі захавалі грузавое судна Порт Оля 3 пад расейскім сцягам, якое магло быць задзейнічана ў перавозцы іранскіх балістычных ракет.

Пра гэта паведамляе Sky News, спасылаючыся на свежыя спадарожнікавыя здымкі і неназваную ўкраінскую крыніцу.

Украінскі суразмоўца паведаміў выданню, што судна Порт Оля 3 пераправіла блізу 220 балістычных ракет малой далёкасці праз Каспійскае мора ў Расею, каб потым выкарыстоўваць іх у вайне супраць Украіны.

Таксама крыніца дадала, што судна прыбыло ў расейскі порт 4 верасня. Журналісты прааналізавалі спадарожнікавыя здымкі і знайшлі судна ў той дзень у порце Оля ў раёне Астрахані на поўдні Расеі, на беразе Каспійскага мора.