У акупантаў у Крыме пачаліся вялікія праблемы

• 12.09.2024, 8:00

Расейцы сядзяць на галодным пайку, але гэта яшчэ не ўсё.

Расейскія войскі ў Крыме адчуваюць вялікія праблемы з забеспячэннем. Пра гэта распавёў ваенна-марскі экспэрт, аглядальнік часопіса Defense Express, капітан I рангу ў адстаўцы Уладзімір Заблоцкі ў інтэрв'ю парталу «Обозреватель».

Паводле ягоных слоў, стан Керчанскага моста вымушае жадаць лепшага. Акрамя таго, паромная пераправа была фактычна знішчана.

Заблоцкі заявіў, што расейцам даводзіцца "нешта рабіць", бо УС РФ у Крыме застаюцца без боепрыпасаў і паліва.

Экспэрт заявіў, што акупантам даводзіцца прадпрымаць беспрэцэдэнтныя меры, каб ахоўваць мост праз Керчанскую затоку. Пры гэтым забеспячэнне морам звязана з вялікімі небяспекамі. Таксама ёсць чыгунка, якую расейцы пабудавалі з Растова на паўднёвы ўсход Украіны, але яна не даходзіць да паўвыспы.

«Такім чынам, групоўка ў Крыме і іншая інфраструктура застаецца на «галодным пайку», - заявіў Заблоцкі.

Ён таксама падкрэсліў, што РФ выкарыстоўвае рэсурсы «вагоннымі нормамі». Прычым галоўную ролю ў гэтых маштабных пастаўках адыгрывае менавіта Керчанскі мост.

«Чыгунка моста - гэта пра войска. Акупацыйнае войска ваюе вагоннымі нормамі, марнуе велізарную колькасць боепрыпасаў. Да таго ж, трэба яшчэ і харчаванне, каб карміць гэтых "зялёных чалавечкаў" і ўсё астатняе неабходнае», - заявіў экспэрт.

Акрамя таго, Заблоцкі заявіў, што на поўначы і захадзе Крыма ў ворага няма ніякіх сродкаў СПА, бо ўсе яны былі выбітыя.