ЗША паднялі ў неба знішчальнік з беспрэцэдэнтным арсеналам звышдальнабойных ракет

• 12.09.2024, 12:22

Гэта першы выпадак у гісторыі.

З'явілася серыя фота, на якіх можна бачыць F/A-18F Super Hornet ВМС ЗША з дагэтуль нябачаным арсеналам ракет класа «паветра-паветра», уключаючы ракеты звышдалёкага дзеяння AIM-174B. Пра гэта паведамляе The War Zone.

Знішчальнік таксама абсталяваны трыма ракетамі AIM-120 AMRAAM сярэдняй далёкасці і парай AIM-9X Sidewinder малой далёкасці.

Самалёт на фота належыць да выпрабавальнай эскадрыллі Вайскова-марскіх сіл Air Test and Evaluation Squadron Nine (VX-9). Яна дыслакуецца на каліфарнійскай базе Naval Air Weapons Station (NAWS) China Lake.

Справа ў тым, што кітайскія знішчальнікі пачынаюць перасягаць па ўзбраенні амерыканскія самалёты, бо атрымалі ўласныя перадавыя ракеты класа «паветра-паветра».

Раней кітайскія знішчальнікі J-16 засвяціліся з сакрэтнай ракетай вялікай далёкасці PL-17. Мяркуецца, што яна можа знішчаць цэлі на далёкасці амаль 300 км.