Лукашэнка нарываецца на новы дыпламатычны скандал

• 12.09.2024, 17:20

Дыктатар зноў узгадаў пра Арменію.

Лукашэнка зноў загаварыў пра Арменію. Лукашэнка сказаў, што Ерэван «не чакаюць» на Захадзе, а калі ён разарве стасункі з «традыцыйнымі партнёрамі», то страціць адзіны рынак і «ўзаемную дапамогу».

Пра гэта паведаміла прэс-служба дыктатара.

- Вы што, думаеце Арменію чакаюць недзе? Ні нас, ні Арменію, ні Украіну (паглядзіце, на нашых вачах будзе) ніхто нідзе не чакае, - сказаў палітык, дадаўшы, што «армяне вельмі разумныя людзі» і «разбяруцца, дзе іх шчасце», - сказаў Лукашэнка.

Адзначым, апошняе такое яго выказванне выклікала скандал у Арменіі.

«Ды каму армяне патрэбныя, акрамя нас? Нікому не патрэбныя. …> Якая Францыя, які [прэзідэнт Францыі Эмануэль] Макрон? Заўтра Макрона не будзе, і ўсе забудуцца пра гэтую Арменію», - заявіў Лукашэнка ў інтэрв'ю каналу «Расея», апублікаваным 19 жніўня. Відаць, палітык спасылаўся на падтрымку, якую Парыж надаў Ерэвану ў разгар канфлікту з Баку.

Пасля гэтага беларускае пасольства ў Ерэване закідалі яйкамі і гнілой агароднінай.