Украінскія кіберспецыялісты атакавалі найбуйнейшыя банкі Расеі

• 14.09.2024, 19:29

Іх праца парушаная.

Кіберспецыялісты Галоўнага ўпраўлення разведкі Мінабароны Украіны ажыццявілі чарговы DDOS-напад на Расею. На гэты раз пад атаку трапілі найбуйнейшыя банкі.

Як паведамілі РБК-Украіна крыніца, у выніку аперацыі была парушаная праца найбуйнейшых банкаўскіх устаноў дзяржавы-агрэсара, якія забяспечваюць дзейнасць акупацыйных войскаў УС РФ.

Між іншым пад кіберудар патрапілі:

- "Банк Расея",

- «Цінькоф банк»,

- "Газ банк",

- плацежная сістэма "СБП".

Карыстальнікі ў многіх рэгіёнах РФ скардзяцца на заблакаваную працу анлайн-сэрвісаў фінансавых устаноў, немагчымасць скарыстацца "асабістым кабінетам", спыненне працы сайтаў і мабільных аплікацый банкаў.

Мала таго, кліенты банкаў не могуць ажыццявіць анлайн-аплату за паслугі.