Саміт БРІКС: чаго чакаць ад візіту Сі Цзіньпіна ў РФ?

• 14.09.2024, 20:51

Пекін не сфакусаваны на Расеі.

Кіраўнік Кітая Сі Цзіньпін збіраецца ехаць у Расею на саміт БРІКС, які пройдзе ў кастрычніку. Наўрад ці тамака будуць складзеныя двухбаковыя дамоўленасці з Расеяй.

Пра гэта "24 Каналу" распавяла галоўная кансультантка Украінскага інстытута стратэгічных даследаванняў Аліна Грыцэнка, адзначыўшы, што наўрад ці візіт Сі Цзіньпіна будзе сфакусаваны на двухбаковым узаемадзеянні Расеі і Кітая. Там будуць надаваць больш увагі іншым дзяржавам, якія будуць удзельнічаць у саміце.

Чаго чакаць ад візіту Сі Цзіньпіна

Як адзначыла Грыцэнка, хутчэй за ўсё, задача Сі на гэтым саміце будзе кансалідаваць удзельнікаў і знайсці кансэнсус, каб прасунуць тэму стварэння альтэрнатывы сучаснай фінансава-эканамічнай сістэме. У прынцыпе дзеля гэтага і стваралі БРІКС.

- Першапачаткова так і планавалі, што БРІКС будзе нейкім форумам па абмене інтарэсамі ўсіх, хто лічыць сучасную фінансава-эканамічную сістэму несправядлівай, таму што ў ёй дамінуюць ЗША. Яны спрабуюць прыдумаць альтэрнатыўную сістэму. Але пакуль ім не ўдалося прыйсці да кансэнсусу, - сказала Грыцэнка.

Нядаўна адзін з прадстаўнікоў Ірана прапанаваў стварыць у рамках БРІКС структуру, якая б займалася "пытаннямі бяспекі", куды ўвайшла велізарная колькасць тэм. У прыватнасці нават дадумаліся казаць аб "бяспецы ад тэрарызму і бяспецы марскіх камунікацый".

Варта назіраць, як гэтая тэма будзе разьвівацца далей. Бо зараз БРІКС - кітайская ініцыятыва. Паралельна існуе ШАС, якая з'яўляецца арганізацыяй па бяспецы.

- Цікава, як на такія прапановы ў далейшым будзе рэагаваць Кітай. Ці вырашыцца на пашырэнне функцыяналу БРІКС. Або ўсё ж БРІКС будзе займацца выключна фінансава-эканамічнымі пытаннямі, - адзначыла Грыцэнка.