Украіна запусціла ўласную вытворчасць 155-мм артнабояў

• 14.09.2024, 21:51

Вытворчасць абароннай прадукцыі ва Украіне павялічылася ўдвая.

Украіна пачала ўласную вытворчасць 155-мм артылерыйскіх набояў, заявіў былы кіраўнік Міністэрства ў пытаннях стратэгічных галін прамысловасці, пазаштатны дарадца прэзідэнта Украіны Аляксандр Камышын у інтэрв'ю нарвежскаму выданню Nettavisen.

- Не магу сказаць шмат, але мы запусцілі ўласную вытворчасць 155-мм артылерыйскіх набояў, - сказаў ён.

Таксама адзначаецца, што пад кіраўніцтвам Камышына вытворчасць абароннай прадукцыі ва Украіне павялічылася ўдвая.

- Да канца года яна павялічыцца ўтрая. Працягваем ехаць далей, - дадаў ён.