Латвія ўсталёўвае вышкі сувязі ўздоўж Заходняй Дзвіны ля мяжы з Беларуссю

• 15.09.2024, 13:13

Праект рэалізуецца ў супрацоўніцтве з Агенцтвам дзяржаўнай бяспекі.

Уздоўж ракі Даўгавы (Заходняя Дзвіна) на латвійска-беларускай мяжы ўсталёўваюцца 4 з 6 вышак сувязі, паведамляе прэс-служба латвійскага прадпрыемства «Дзяржаўная нерухомасць».

Праект рэалізуецца ў супрацоўніцтве з Агенцтвам дзяржаўнай бяспекі. Агульны аб'ём фінансавання - 3 633 924 еўры, у тым ліку са сродкаў Нацыянальнай праграмы Фонду Еўрапейскага Звязу - 75% і дзяржбюджэту - 25%.

«Будаўніцтва вышак сувязі садзейнічацьме больш эфектыўнаму і аператыўнаму кантролю дзяржаўнай граніцы з боку Дзяржаўнай пагранічнай аховы, своечасова выяўляючы выпадкі незаконнага пераходу дзяржаўнай граніцы і іншыя парушэнні ў зоне дзяржаўнай граніцы», — заяўляюць у прэс-службе прадпрыемства.