Тры жыхары Беларусі дасягнулі ўзросту 110 гадоў

• 15.09.2024, 14:02

Большасць доўгажыхароў у краіне - жанчыны.

Тры жыхары Беларусі дасягнулі ўзросту 110 гадоў, расказаў намеснік начальніка Галоўнай управы сацыяльнага абслугоўвання і сацыяльнай дапамогі Міністэрства працы і сацыяльнай абароны Мікалай Арол, паведамляе БелТА.

Паводле апошніх звестак, узросту, большага за 100 гадоў, дасягнулі звыш 600 чалавек. Цягам апошніх дзясяці гадоў іх колькасць складала амаль 400. У 2023 годзе было амаль 500 доўгажыхароў.

Мікалай Арол удакладніў, што з ліку ўсіх доўгажыхароў тром жыхарам Беларусі больш за 110 гадоў.

Наконт гендэрнага складу намеснік начальніка Галоўнай управы дадаў, што 66% людзей, старэйшых за 65 гадоў — жанчыны. Гэта значыць, на дзвюх жанчын гэтага ўзросту прыпадае адзін мужчына.