Латвія перадасць Украіне бронемашыны CVR(T)

• 16.09.2024, 12:53

Гэта брытанская тэхніка.

Міністэрства абароны Латвіі перадасць Украіне баявыя выведвальныя гусенічныя бронемашыны CVR(T), якія раней краіна набыла ў Брытаніі.

Пра гэта паведамляе Delfi.

У мэтах забеспячэння аператыўнай бяспекі ведамства не раскрыла дакладнай колькасці тэхнікі.

Міністр абароны Латвіі Андрыс Спрудс заявіў, што закупка новых баявых машын пяхоты, якія заменяць CVR (T), знаходзіцца на заканчальным этапе. Гэтыя машыны неабходны для пераўзбраення латвійскага войска і ўдзелу ў тактычных аперацыях.

Кантракт падпісалі яшчэ ў 2014 годзе на 123 бронемашыны, з якіх 116 мадэрнізаваныя, а яшчэ адзін кантракт на закупку дадатковай тэхнікі Латвія падпісала з Брытаніяй у 2019 годзе.

Як вядома, з 2023 года Латвія абавязалася надаць вайсковую дапамогу Украіне ў памеры 0,25% ад ВУП штогод да 2026 года.