«Хто б мог падумаць»: Буданаў назваў моцныя бакі Украіны ў вайне

• 16.09.2024, 17:05

Расейцы гэтым пахваліцца не могуць.

Моцным бокам Украіны ў вайне супраць агрэсіі Расеі з'яўляюцца нестандартныя падыходы ў развязаннях і матывацыя.

Пра гэта сказаў кіраўнік ГУР МА Украіны генерал-лейтэнант Кірыл Буданаў на штогадовай сустрэчы YES у Кіеве, інфармуе 24 канал.

- Украіна - гэта краіна магчымасцяў. Чым больш жыву, тым болей гэта бачу: тут магчыма ўсё. Раз - з нуля зрабілі тысячы дронаў. Хто мог аб такім падумаць два гады таму?, - Адзначыў Буданаў.

Іншай важнай рысай украінцаў кіраўнік выведкі назваў веру ў сябе і матывацыю, якой няма ў расейцаў.

- Наш моцны бок - у нестандартным падыходзе і веры ў тое, што мы можам што заўгодна. Мы ваюем за сваю зямлю, і тут варыянтаў у нас няма, - дадаў выведнік.