У Брусэлі дэманстранты выйшлі на пратэст супраць закрыцця завода Audi

• 16.09.2024, 18:02

Пратэстоўцы заклікалі пакласці канец «кітайскаму дэмпінгу».

Больш за 5 тысяч пратэстоўцаў выйшлі на плошчу каля Еўрапейскага парламента ў Брусэлі супраць закрыцця аўтамабільнага завода Audi, паведамляе Bloomberg.

Паводле інфармацыі агенцтва, пратэстоўцы заклікалі пакласці канец «кітайскаму дэмпінгу» прамысловых тавараў. Прафзвязы заклікалі людзей да агульнанацыянальнай забастоўкі.

Bloomberg удакладніў, што пратэст стаў адказам на жорсткую канкурэнцыю з боку замежных вытворцаў, якія пастаўляюць танную прадукцыю ў краіны Еўразвяза.

Большасць з 3 тысяч працоўных, занятых на заводзе Audi, узначалілі пратэст. Актывісты запалілі дымавыя шашкі з ружовым і зялёным дымам - колеры асноўных прафзвязаў, а таксама петарды.

Audi Brussels паведаміла, што не плануе вырабляць сваю флагманскую мадэль аўтамабіля Q8 e-tron на заводзе ў Брусэлі пасля 2025 года. Праз гэта пад пагрозай апынуліся больш за 3 тысячы працоўных месцаў, а таксама некалькі сотняў субпадрадчыкаў. І хаця прадстаўнік Audi Brussels Пітэр Д'Хур сказаў, што завод неабавязкова будзе закрыты, шанцаў на тое, што аб'ём вытворчасці захаваецца, практычна няма, гаворыцца ў матэрыяле.