Украінскі вайсковец збіў беспілотнік «Шахед» з ПЗРК «Іголка»

• 16.09.2024, 20:06

Відэафакт.

Украінскі вайсковец змог збіць «Шахед» на поўдні пры дапамозе пераноснага зенітнага ракетнага комплексу «Іголка».

У прэс-службе Сілы абароны поўдня паведамілі, што «Шахед» збіў воін радыётэхнічнай брыгады імя Багдана Хмяльніцкага 16 верасня ноччу.

«Патрапіў у "Шахед" з пераноснага зенітнага ракетнага комплексу Іголка, абсталяванага цеплавізарам», – удакладнілі ў Сілах абароны поўдня.

Увечары 15 верасня і ў ноч на 16 верасня Расея масавана атакавала Украіну «Шахедамі». Паведамлялася пра гукі выбухаў у Крывым Рогу, у Хмяльніцкай вобласці, у Кіеўскай вобласці. У сталіцы таксама працавалі сілы СПА.

У Паветраных сілах паведамілі, што ноччу 16 верасня Расея запусціла 56 «Шахедаў», 53 збілі, яшчэ тры «лакацыйна страчаныя», асноўнай мэтай атакі быў Кіеў.