«Хто ў гэтым вінаваты, Саша?»

• 17.09.2024, 17:35

Беларусы пракаментавалі шакавальную інфармацыю аб нашай краіне ад ЦРУ.

Цэнтральная выведвальная ўправа ЗША апублікавала справаздачы аб дэмаграфічнай сітуацыі ў свеце на 2024 год. Так Беларусь па ўзроўні смяротнасці апынулася на 10-м месцы - з паказчыкам 13,3 смерцяў на тысячу чалавек.

Што датычыцца рэйтынгу па ўзроўню нараджальнасці, то наша краіна апынулася ў самым канцы - на 210 месцы з 228. Яе паказчык - 8,3 народжаных на тысячу чалавек.

Відэа аб гэтым у TikTok Charter97.org сабрала мноства каментараў. Прыводзім некаторыя з іх:

«Менск, Першамайскі раён. У школе ледзь сабралі адзін першы клас. 10-га няма ўвогуле!»

«Многія знаёмыя шматдзетныя сем'і просяць бульбу, каб было што есці. Жывуць яны вельмі бедна».

«У Беларусі няма ніякай нармальнай дапамогі, калі ты шматдзетная сям'я без сувязяў у выканкаме».

«Калі я вучыўся ў школе, то было па тры класы. Прайшло 10 гадоў - адзін клас сабраць не могуць».

«Самім бы пракарміцца, а тут яшчэ дзеці...».

«Яркі прыклад – Ворша. Такімі тэмпамі змяншэння наш горад хутка не будзе 100-тысячнікам. А зусім нядаўна было 140 тысяч».

«Гэта дэмаграфічная катастрофа! Хто ў гэтым вінаваты, Саша?».

«Дык усе з'язджаюць з Беларусі. Заробкі жабрацкія».