Зяленскі правёў нарады датычна плану перамогі Украіны і флоту F-16

• 17.09.2024, 20:05

Дэталі.

Прэзідэнт Украіны Уладзімір Зяленскі сёння правёў дзве нарады. Яны датычыліся плану перамогі Украіны і павелічэння флоту F-16.

Пра гэта прэзідэнт Украіны расказаў падчас вечаровага звароту.

Паводле ягоных словаў, першая нарада была наконт ваеннага напаўнення плану перамогі для Украіны.

«Разам працаваў з вайсковым камандаваннем. Падрыхтаваны добры, моцны змест для ваеннага пакету – менавіта таго, што можа адчувальна ўмацаваць Украіну згодна з планам перамогі», – сказаў Зяленскі.

Другая нарада датычылася павелічэння паветранага флоту F-16 і адбылася з камандаваннем Паветраных сілаў.

«Ёсць дакладнае разуменне крокаў, як павялічыць колькасць баявых самалётаў ва Украіне і паскорыць трэніроўку нашых пілотаў. Усе задачы для Паветраных сілаў Украіны, для Міністэрства абароны Украіны вызначаныя», – паведаміў прэзідэнт Украіны.