У Беларусі хочуць прыняць закон «пра замежных агентаў»

• 18.09.2024, 16:16

Па прыкладзе РФ і Грузіі.

У Беларусі могуць прыняць закон аб «замежных агентах». Пра гэта заявіў журналістам старшыня Цэнтрвыбаркама Ігар Карпенка.

«Сёння многія краіны прымаюць заканадаўства аб так званых «замежных агентах». Гэта таксама ў пэўнай ступені завязана ў тым ліку і з электаральным працэсам. Пагадзіцеся, як можна правесці справядлівыя выбары, калі арганізацыя, якая ўдзельнічае ў выбарах, фінансуецца з-за мяжы і выконвае пэўную замову тых, хто плаціць гэтай арганізацыі? Гэта ж відавочна», - заявіў чыноўнік.

Адзначым, такія законы нядаўна прынялі Расея і Грузія.