Украіна рыхтуецца да ўсталявання плывучых электрастанцый

• 18.09.2024, 19:16

Ёсць пастанова Кабміна.

Кабінет міністраў на пасяджэнні 13 верасня зацвердзіў захады ў арганізацыі ўстаноўкі газапоршневых і газатурбінных установак на суднах тэхнічнага флоту. Пра гэта паведамляецца ў пастанове №1069.

Гэтыя захады маюць адзнаку «для службовага карыстання».

Пры гэтым Кабінет міністраў адкрыта паведаміў, што арэнда такіх станцый і звязаных з гэтым паслуг будзе рабіцца шляхам укладання дамовы без выкарыстання адкрытых таргоў.

Станцыі таксама вызвалілі ад неабходнасці атрымліваць горадабудаўнічыя ўмовы, адвядзення зямельных надзелаў і іншых бюракратычных перашкод.