Пад Масквой успыхнуў буйны пажар на плошчы 5000 кв

• 20.09.2024, 7:35

На найбуйнейшым складзе адбылося частковае абрынанне даху.

У падмаскоўнай вёсцы Апарынкі гарыць склад на тэрыторыі 5000 кв м. СМІ пішуць пра склад буйнога вытворцы матрацаў.

Пра гэта паведамляе РБК-Украіна са спасылкай на расейскія СМІ.

Інфармацыю аб пажары пацвердзілі ў МНС РФ.

Склад у Апарынках, які належыць мясцовай фабрыцы, расейскія СМІ называюць адным з самых буйных у Расеі

На месцы пажару працуюць 40 ратавальнікаў і 14 адзінак тэхнікі. Ёсць пагроза распаўсюджвання агню на суседнія будынкі.

З папярэдняй інфармацыі МНС РФ, пацярпелых няма.

Абноўлена

Shot піша, што на складзе адбылося частковае абрынанне даху. На гэты момант лакалізаваць узгаранне пакуль не ўдалося, полымя ахоплівае новыя квадратныя метры будынка, піша канал.