Беларус скупіў усе какосы ў адной з крам і паказаў, колькі з іх былі ядомыя

• 20.09.2024, 17:55

Вынікі эксперыменту.

Беларус купіў дзецям какос у краме сеткі «Еўраопт», але той выявіўся гнілым, і тады мужчына надумаў правесці эксперымент. Пра гэта ён распавёў у Instagram, піша «Зеркало».

- Мы купілі какос у «Еўраопце», ён выявіўся дрэнным. Дзеці паехалі, набылі ўсе какосы, якія там былі, зараз будзем шукаць добры, - падзяліўся ў відэароліку ён.

Ён ускрыў некалькі пладоў, усе былі гнілыя і з цвіллю.

- Нават цікава, будзе хоць адзін нармальны, - прызнаўся аўтар відэа.

Вынікі далейшай праверкі, відавочна, не парадавалі яго.

- З 18 нам трапіўся толькі адзін нармальны какос: не мяккі, з празрыстым сокам, са смачным пахам, усе астатнія - проста гнілата, - распавёў ён аб выніках эксперыменту.

Тым часам падпісчыкі ў каментарах параілі яму вярнуць какосы ў краму і запатрабаваць вяртання грошай.

Мужчына прызнаўся, што так і зрабіў. З яго слоў, «не ўзнікла ніякіх праблем, „еўрык“ усё забраў».

Ён таксама дадаў, што для яго пытанне было не ў грошах, а ў тым, што дзеці знерваваліся, бо вельмі хацелі какоса.