Лукашэнка застаўся ў 70-х

• Зміцер Балкунец
• 21.09.2024, 21:27

Яго ўяўленне аб свеце затрымалася паміж чорна-белай тэлевізіяй і савецкімі лозунгамі.

Сёння, на 71-м годзе жыцця, Аляксандр Лукашэнка ўпершыню ўбачыў, як растуць яблыкі ў прамысловых маштабах. Да гэтага ў яго галаве яблыня ўяўляла сабой вялізнае саракагадовае дрэва, якое раскінула свае галіны над гарызонтам. Яблыкі падалі і ішлі на корм быдлу.

Аказваецца, у рэальнасці ўсё значна цікавей: плантацыі да гарызонту, сістэмы арашэння, мінімум ручной працы і ніякіх селектарных нарад па ўборцы яблыкаў. 30 страчаных гадоў.

Аляксандр Лукашэнка - чалавек, які ментальна застаўся ў 70-х гадах мінулага стагоддзя. Яго ўяўленне аб свеце затрымалася недзе паміж чорна-белай тэлевізіяй і савецкімі лозунгамі. Ён не чытае кніг, не наведвае краіны, не цікавіцца тым, як развіваюцца сучасныя тэхналогіі. Таму ў яго ўяўленні яблыня - гэта гіганцкае дрэва, якому не менш за сорак гадоў, і якое само па сабе нейкім цудам забяспечвае ўраджай.

У яго няма нават мінімальнага разумення сучасных тэхналогій. Ён не карыстаецца гаджэтамі і наўрад ці ведае, як уключыць кампутар. Максімум, чаму ён навучыўся, - гэта навык уборкі гною і дойкі кароў. Гэта і ёсць яго столь. Пры гэтым ён лічыць сябе майстрам даваць парады, напрыклад, аб тым, як правільна падмываць каровіныя хвасты. Усё астатняе - ад айці да рэальных эканамічных працэсаў - для яго застаецца далёкай і незразумелай загадкай.

Зміцер Балкунец, Telegram