Работнікі МНС зладзілі «задымленне» ў буйным ГЦ у Гародні

• 26.09.2024, 18:34

Людзі ні пра што не падазравалі.

Пляцоўкай паказальнай трэніроўкі ў Гародні стаў буйны гандлёвы цэнтр OldCity. Пакуль наведалі аб'екты, не падазраючы аб небяспецы, прагульваліся паміж гандлёвымі шэрагамі, работнікі МНС стварылі ўсе ўмовы, максімальна набліжаныя да рэальнага надзвычайнага здарэння, расказалі ў прэс-службе ведамства.

«Дым запоўніў прастору. „Увага, пажарная небяспека!“ — спрацавала пажарная сігналізацыя, супрацьпажарныя шторы „адрэзалі“ залу ад буцікавай зоны. Паводле «легенды» на адным з гандлёвых астраўкоў адбылося кароткае замыканне электраправодкі, што прывяло да моцнага задымлення. Адміністрацыя і пажарная дружына гандлёвага цэнтра арганізавалі эвакуацыю людзей. Аднак у „задымленым“ будынку засталіся два чалавекі, на даху апынуўся заблакаваны працаўнік, які праводзіў абслугоўванні сістэм», — гаворыцца ў паведамленні ратавальнікаў.

Адзначаецца, што работнікі МНС адшукалі «пацярпелых» і вывелі іх на чыстае паветра. Выратаванне з даху гандлёвага цэнтра правялі пры дапамозе каленчатага пад'ёмніка. Першую дапамогу «выратаваным» надалі прадстаўнікі рэгіянальнага таварыства Чырвонага Крыжа.

«Побач з гандлёвым цэнтрам для жыхароў і гасцей Гародні працаваў кірмаш «Разам за бяспеку», на інтэрактыўных пляцоўках якога ратавальнікі нагадалі правілы бяспекі жыццядзейнасці, навучылі парадку дзеянняў у выпадку небяспечных сітуацый», - падсумавалі ў МНС.