Эксперты назвалі пяць забытых гаджэтаў і тэхналогій, якія павінны вярнуцца

• 28.09.2024, 10:36

На смартфонах з'явіцца кнопкавая клавіятура?

Папулярны партал XDA Developers апублікаваў новы матэрыял, у якім успомніў пра гаджэты і тэхналогіі, якія даўно сталі «рэтра», але вяртанню якіх былі б радыя многія.

Адкрывае спіс музычны плэер iPod ад Apple, які апярэдзіў свой час. Гаворка ідзе пра класічную мадэль з колам пракруткі, перазапуск якой з ёмістым цвердацельным назапашвальнікам і «прапампаванай» Siri ў 2024 годзе напэўна бы парадаваў шматлікіх меламанаў.

Тое самае можна сказаць пра Microsoft Zune.

Спроба скласці канкурэнцыю iPod пацярпела паразу, але гэтая параза ўразіла, мяркуюць у XDA. Гаджэт з футурыстычным дызайнам і бліскучай апаратнай асновай, на жаль, праіснаваў тры пакаленні і сышоў у нябыт.

Таксама эксперты засмучаныя сыходам з рынку смартфонаў пад кіраваннем аперацыйнай сістэмы Windows Mobile. У эпоху штучнага інтэлекту сучасная Windows Mobile магла б стаць паўнавартаснай альтэрнатывай Android і, магчыма, iOS.

Хоць са з'яўленнем стрымінгавых сэрвісаў фізічныя носьбіты музыкі (аўдыякасеты і кампакт-дыскі) не зніклі цалкам, але яны прыйшлі ў заняпад. Вінілавыя кружэлкі, пры гэтым, наадварот, ізноў становяцца папулярнымі. Так што спадзяванне на іх вяртанне яшчэ ёсць.

І, нарэшце, апошняя тэхналогія, вяртанню якой былі б рады многія – гэта фізічныя клавіятуры на смартфонах. У якасці прыкладу прыводзіцца стыльны і абаронены BlackBerry Key2 з яго паўнавартаснай фізічнай QWERTY-клавіятурай пад дысплэем.