У пункце пропуску «Берасце» ўвялі новыя «эксперыментальныя» правілы чакання чаргі

• 30.09.2024, 18:10

З 30 верасня.

З 30 верасня пачалі праводзіць эксперымент, які павінен аблегчыць чаканне ў чарзе для кіроўцаў легкавых аўтамабіляў. Пра гэта паведамляецца на сайце «Белмытсэрвіса».

Для кіроўцаў прадугледжаная магчымасць выезду з зоны чакання.

«Эксперымент прадугледжвае рэгістрацыю транспартных сродкаў з магчымасцю выезду з зоны чакання і ўпарадкаванне руху транспартных сродкаў пры ўездзе ў аўтадарожны пункт пропуску „Берасце“. Супольная распрацоўка накіраваная на зручнасць грамадзян і дазволіць ім рацыянальна выкарыстоўваць час чакання чаргі для наступнага перасячэння дзяржаўнай мяжы», — гаворыцца ў паведамленні.

Напрыклад, кіроўцы легкавушак змогуць пасля рэгістрацыі ў чарзе на праходжанне граніцы застацца ў ёй або паехаць чакаць у зручнае месца. Сачыць за рухам чаргі можна на сайце «Белмытсэрвіса». Калі падыдзе час, кіроўца павінен вярнуцца ў зону чакання і там чакаць уезду ў пункт пропуску.

Новаўвядзенне распаўсюджваецца толькі на легкавыя аўто.