Чыноўнікі прыдумалі чарговыя падатковыя новаўвядзенні для беларусаў

• 7.09.2024, 21:40

Многім давядзецца раскашэліцца.

Мінфін прапануе ўнесці змены па маёмасным падатковым выліку для шматдзетных сем'яў, паведаміў першы намеснік кіраўніка ведамства Дзмітрый Кійко. Для гэтага плануецца папраўка ў Падатковы кодэкс.

Між іншым, міністэрства прапануе скасаваць абмежаванне на адну кватэру пры прымяненні падатковага выліку для такіх сем'яў.

Акрамя таго, улады плануюць у 2025 годзе праіндэксаваць некаторыя падаткі, вылікі і льготы. Дзмітрый Кійко, прадстаўляючы змены ў Падатковым кодэксе, адзначыў, што індэксацыя закране падатковыя стаўкі, устаноўленыя ў рублях, уключаючы падаткі на зямлю, нерухомасць і транспарт. Карэкціроўка будзе прывязана да ўзроўню інфляцыі.

У Мінфіне дадалі, што аналагічныя змены закрануць ільготы і вылікі па падаходным падатку.