Устроивших «живой щит» гаишников не отстранили от работы

• 14.03.2008, 9:54

Вчера начальник республиканской ГАИ Александр Менделеев назвал действия дорожных инспекторов непрофессиональными и сообщил об отставках в связи с этим происшествием. Однако, как выясняется, об отставке ничего не известно тем, кого будто бы отстранили от работы.

На прэс-канферэнцыі начальнік рэспубліканскай ДАІ Аляксандр Мендзелеў назваў дзеянні дарожных інспектараў непрафесійнымі і паведаміў пра адстаўкі ў сувязі з гэтым здарэннем.

“Службовыя асобы, якія адказваюць за прафесійную падрыхтоўку тых, хто ўдзельнічаў у затрыманні, а менавіта, намеснік начальніка аддзела ДАІ Кастрычніцкага РАУС Мінска і начальнік ДАІ Слуцкага РАУС вызваленыя ад займаемых пасадаў. Супрацоўнікі, якія ўдзельнічалі ў затрыманні, гэта супрацоўнікі ДАІ Слуцкага і Кастрычніцкага РАУС, адхіленыя ад сваіх пасадаў да заканчэння службовага разбору”, - цытуе чыноўніка “Еўрарадыё”

Аднак у ДАІ Слуцка пра адстаўку начальніка і інспектараў нічога не ведаюць. Як паведаміў прэс-сакратар слуцкай міліцыі Дзмітрый Семібратаў, “на гэты момант ніхто з супрацоўнікаў ДАІ Слуцкага РАУС не адхілены ад працы. Нам пакуль ніхто не даводзіў і не дакладваў, што мы павінны адхіляць нашых супрацоўнікаў. Ніякай праверкі, у прынцыпе, ніхто не прызначаў. Аднак я не магу сцвярджаць, што нічога гэтага не будзе”.

Слуцкія даішнікі праследавалі парушальніка, які ехаў з хуткасцю 180 км/г, на “жыгулях” — аўтамабілі “ВАЗ-2110”. Па словах Дзмітрыя Семібратава, гэтая машына здольная набіраць такую хуткасць і нават крыху больш. А наогул, у аўтапарку слуцкага ДАІ 6 машын: дзве “дзесяткі”, дзве “дзевяткі” і два “Опеля”.

Дарэчы, як паведаміў прэс-сакратар, падчас пагоні 2 сакавіка пасажыры машыны парушальніка і сам кіроўца паказвалі супрацоўнікам ДАІ непрыстойныя жэсты.