У Варшаве пройдзе марш на Дзень беларускіх Герояў

• 22.11.2023, 18:54

Пачатак — 26 лістапада а 13:30.

Рух Салідарнасьці «Разам» апублікаваў зварот Аргкамітэта па святкаванні Дня Беларускіх Герояў у Варшаве:

— Шаноўныя беларусы Польшчы!

Сотні тысячаў беларусаў вымушаныя былі з'ехаць у Польшчу, каб уратавацца ад палітыкі татальнага тэрору і рэпрэсій, якая праводзіцца дыктатарскім рэжымам Лукашэнкі з сістэмнай маскоўскай падтрымкай. Гэта тэрор – катастрофа для нашай нацыі.

Штодзень арыштоўваюць, катуюць і запалохваюць людзей. Беларускі народ бяспраўны і безабаронны. У гэтых умовах амаль немагчыма ладзіць публічныя акцыі ў практычна акупаванай краіне. За кратамі ў жудасных умовах – тысячы і тысячы палітвязняў.

Мы, беларусы замежжа, не маўчым. Мы ўвесь час праводзім акцыі ў падтрымку вольнай Беларусі.

У 103 гадавіну Слуцкага Збройнага Чына заклікаем да супольнага ўшанавання памяці Герояў, якія загінулі за Незалежную Беларусь, і да салідарнасці з палітвязнямі.

Далучайцеся да Дня Герояў у Варшаве!

26 лістапада (у нядзелю) а 13:30 у Варшаве на скрыжаванні вуліц Алеі Іерусалімскія і Новы Свят (ul. Nowy Świat 15) пачне фармавацца калона для Марша на Дзень беларускіх Герояў. Будзьма разам!

Калі ласка, прыязжайце ў Варшаву!

Слава Героям беларускага народа!

Слава Героям Слуцкага Збройнага Чына!

Свабоду Беларусі!

Свабоду палітвязням!

Жыве Беларусь!